Turmeric Market : नव्या हळदीची हिंगोलीत आवक सुरू ! दर १७५०० पर्यंत मिळतोय

Turmeric Market  : हिंगोली कृषी उत्पन्न बाजार समितीअंतर्गत संत नामदेव हळद मार्केटमध्ये सोमवारी (ता. १८) हळदीची ३५०० क्विंटल आवक होती. हळदीला प्रतिक्विंटल किमान १५००० ते कमाल १७५०० रुपये तर सरासरी १६२५० रुपये दर मिळाले.

संत नामदेव हळद मार्केटमध्ये (Turmeric Market) आठवड्यातील सोमवारी, बुधवारी आणि शुक्रवारी हळदीची आवक घेतली. मागील आठवड्यापासून यंदाच्या हंगामातील नवीन हळदीची मोठ्या प्रमाणावर आवक सुरू झाली.

मागील आठवडयात सोमवार (ता. ११) ते शुक्रवार (ता. १५) या कालावधीत हळद ६६५० क्विंटल आवक झाली. त्या वेळी हळदीला सरासरी १६७२५ ते १७३०० रुपये दर मिळाले. शुक्रवारी (ता. १५) हळदीची २८५० क्विंटल आवक असताना प्रतिक्विंटल किमान १५५०० ते कमाल १७६०० रुपये तर सरासरी १६५५० रुपये दर मिळाले आहे.

बुधवारी (ता. १३) हळद २५०० क्विंटल आवक होऊन प्रतिक्विंटल किमान १६५०० ते कमाल १८१०० रुपये तर सरासरी १७३०० रुपये दर मिळाले. सोमवारी (ता. ११) १३०० क्विंटल आवक होऊ प्रतिक्विंटल किमान १५१०० ते कमाल १८३५० रुपये तर सरासरी १६७२५ रुपये दर मिळाले आहे.

वसमत १०८९० ते १७६९० रुपये

वसमत समितीमध्ये शनिवारी (ता. १६) हळदाची ५४५० क्विंटल आवक होऊन प्रतिक्विंटल किमान १०८९० ते कमाल १७६९० रुपये तर सरासरी १४२९० रुपये दर मिळाले. शुक्रवारी (ता. १५) ५७३ क्विंटल आवक होऊन प्रतिक्विंटल किमान १०६०० ते कमाल २०००० रुपये तर सरासरी १५३०० रुपये दर मिळाले आहे.

मंगळवारी (ता. १२) १०७६ क्विंटल आवक होऊन प्रतिक्विंटल किमान १२००० ते कमाल २१६०० रुपये तर सरासरी १६८०० रुपये दर मिळाले.

मागच्या बुधवारपासून नवीन हळदीची आवक सुरू झाली आहे. दररोज २५०० ते ३५०० क्विंटल आवक आहे. दरात चढ-उतार सुरू आहे. सध्या सरासरी दर १५ हजार रुपयांवर आहेत.
– नारायण पाटील, सचिव, कृषी उत्पन्न बाजार समिती, हिंगोली.

• इतर माहिती : राज्यावर अवकाळी पावसाचं सावट ! शेतकऱ्यांची चिंता वाढली ! वाचा संपूर्ण माहिती

हळद बाजारभाव खालील प्रमाणे  : (Turmeric Market)

शेतमाल : हळद/ हळकुंड

Turmeric Market

स्रोत : agrowon.esakal.com